地獄咒

今日聽番 Eason 的第一張精選，
聽到第５首...

CLICK --> 地獄咒

冇人呢會諗過我地會分開o架!
原因?　我唔介意講第 28 次o既......
係果日睇完戲　係講一對夫婦死o左
原本上天堂o既老公　點都要落地獄搵返佢老婆
行出戲院　佢就問：
「如果佢係地獄　我會唔會一樣唔理咁多去搵佢?」
當時我只係望實佢　唔識答
結果佢梗係好唔開心啦

第二日啦　我地平時一樣一齊返工、食 lunch
然後佢又等埋我放工
但係我好驚呀　因為o的感覺已經唔同晒啦

到第四日　我終於都同佢講：「我地要分手呀!」
佢好似有o左絕症咁聽我講落去
我話：「果日你咪問我會唔會落地獄搵你o既?
於是我問：『我地已經日日一齊對住啦,
如果係要落地獄, 點會係你去o者?』
然後我就知　我地根本唔係o係一齊......」

做咩呀?　唔明呀?
唔緊要　你同佢仲有好多人都唔明

感覺，真係一種好 Fragile 的東西....
一個錯的答案就可以改變所有野。

然後，音樂再響起....
「除非你是我，才可與我常在....」....