聾貓 @@" 聾媽~

好耐無寫過母親大人和我的軼事鳥，今天又遇到的事，真係唔分享下唔得~

話說爺爺設靈，約了母親大人在佐敦地鐵站口等，

唔，咁我就坐住Q的車車去接佢啦~~

去到就打俾佢：「喂，你到左未呢」

媽：「到左啦，等緊你啦」

堅：「哦，咁係咁仙跡岩門口呀？」

媽：「下？　千色男？」

堅：「仙跡岩呀！」

媽：「咩千色藍呀！　我呢度無架喎！」

好在我o係呢個時候就到左，慳番下刪三百字的聾貓對白 @@"

＊＊＊＊＊＊＊＊

同日，我們到了和民食晚飯

Q一䏲就睇到１０點後食送戲飛

好啦，到左埋單

母親大人就　‘chur‘　住佢話：「唔係有戲飛送咩？？」

個waiter　就話：「唔，好似星期一至五先有架喎！」

媽：「咩呀，你張野都無寫~~~」

waiter：「唔，ERrRRR...等我check　下先。」

媽：「真係無寫喎，唔得又唔早講」　（waiter　此時已經去左問人）

堅：「唔好咁啦媽，等佢問下囉，佢好明顯係個trainee　來啦。」

媽：「下？　青衣？」

堅：「係呀　trainee　囉。」

媽：「下？佢唔知關青衣咩事呀？」

堅：＠＠~~~~

結果條青衣最後係有送番張飛來架，都算係一條好的青衣

＊＊＊＊＊＊＊＊

插曲：

話說之前o個晚笑得第二大聲的Q今晩在我家作客　﹣食牛扒！

話說老豆係一個成日行來行去整野

雖然d野好好味但係好快就凍哂~~~

咁我就話：「好，你俾錢請我，咁我咪幫到你囉。」

Q: 「嘩做咩要俾錢你？？」

堅：「嘩人地做trainnee都要錢啦~~~」

Q: 「下？　青衣？？」

堅：「hahahahaha　你講咩話？　」

Q:「@@　（��左）」

＊＊＊＊＊＊＊＊

P.S: 詞語解釋

舒氏豬齒魚，香港稱為青衣，又稱黑斑豬齒魚、青衣寒鯛，俗名四齒仔、西齒、石老、青威為輻鰭魚綱鱸形目隆頭魚亞目隆頭魚科的其中一種。

仙跡岩　﹣台式茶座，有得飲珍珠奶茶等台式飲品

和民　﹣　一間日本野，１０點後食有戲飛送　<--- 呢套 ^^